Beauty Gonzalez, hindi problema ang 25 year age gap nila ng kanyang asawa.

Sumikat at nakilala noong sumali si Beauty Gonzalez sa Pinoy Big Brother Teen Edition ng ABS-CBN at nakamit niya ang pang apat na pwesto. 

Christine Marie Beauty Luche Gonzalez ang tunay niyang pangalan at siya ay may dugong espanya. Bago pa man siya mag-artista ay napabilang siya sa Cebu's 12 Prettiest Teens noon at nauwi niya din ang korona bilang Miss Teen Philippines- Central Visayas noong 2006. 

Ikinasal siya kay Norman Crisologo na isang businessman/art curator noong 2017 sa Tagaytay. Si Norman ay 55 na ang edad at 29 ang edad ni Beauty. 

Kahit 25 years man ang agwat ng kanilang edad ay hindi daw ito kailanman naging hadlang sa kanilang relasyon at pag-iibigan. Bago pa man kinasal ang dalawa, dating kasal si Norman sa aktres na si Max Eigenmann at meron silang dalawang anak. 

Image via beauty_gonzalez IG

Dati ng inulan ng samu't saring reaksiyon at kumento ang relasyon nilang dalawa dahil baka pera lamang daw ang habol ni Beauty kay Norman pero pinatunayan niya na ang pagmamahal nito sa kanya ay totoo. 

Sa katuyan ang kanilang age gap ay nagpatibay pa sa kanilang relasyon. Nagsimula ang kanilang love story noong napadaan daw si Norman sa isang bookstore at may nakita siyang magazine na si Beauty Gonzalez ang cover nito. 

Sinabi daw niya sa sarili niya na kailangan niyang makilala ito kaya kaagad niyang kinontak ang kaibigan niyang si Ellen Adarna para kunin ang number nito. 

Sa unang text daw na natanggap ni Beauty, akala niya ay nagbebenta ng insurance/loan si Norman kaya hindi niya ito pinansin. Dahil pursigido si Norman ay tinatawagan niya ulit si Beauty gamit ang kanyang ibang number. 

Image via beauty_gonzalez IG

Niyaya siya ni Norman na manood ng concert ng Eraserheads dahil big fan daw ito at pumayag naman ito hanggang magtuloy tuloy na ang kanilang komunikasyon. Sa Paris sila unang date pagkatapos nilang magkita sa isang event ng Eraserheads. 

"My whole life changed when I met Norman. Maraming nangyari sa career ko. He's my mentor. He's my everything. That was one of the biggest changes, na-uplift yung career ko when I met him. I'm happy he came at the right time, he guides me very well kasi we really help each other," pahayag ni Beauty sa interview sa kanila ng philstarlife.

Isinilang ni Beauty ang kanilang anak na si Olivia noong 2016.