Sugar Mercado, masaya bilang single mom sa dalawang anak na babae.
Unang nakilala at sumikat si Sugar Mercado noong naging parte siya ng longest running noontime show na Eat Bulaga at napabilang sa Sexbomb Girls. Kinuha din siya ni Willie Revillame na maging co-host ng Wowowin dahil nakitaan niya ito ng galing sa hosting.
Na-link din siya kay Kuya Wil pero tinanggi siya na meron silang relasyon at hindi daw iyon mangyayari dahil tatay na ang tingin niya kay Willie. Nagbigay naman siya ng mensahe sa 60th birthday ni Willie sa kanyang IG,
"Maligayang kaarawan Wil. Patuloy ka pong palakasin at ingatan ng panginoon, marami ka pa po matulungang tao mga salat sa buhay, napakabuti ng puso mo,salamat isa po ako sa maraming mong natulungan, araw araw ka po namin pag dadasal happy birthday Wil mahal ka naming lahat kuya will."
Si Sugar din ang bunso sa apat na magkakapatid. Naghiwalay sila ng kanyang dating asawa na si Kristofer Jay Go at nagbunga ang kanilang pagsasama ng dalawang anak na babae na sina Gabrielle at Olivia.
2015 noong nagsampa ng kaso si Sugar laban sa dating asawa dahil sa paulit-ulit na pananakit umano nito sa kanya pero ngayon ay maayos na ang dalawa pagdating sa kanilang mga anak.
Tinulungan siya dati ng Gabriela Women's Party noong panahon na walang wala siya at nakapag-trabaho din siya sa Klownz at Zirkoh para makabangon muli.
Sa kanyang mga social media post ay binabahagi ni Sugar ang mga larawan nila ng kanyang mga anak at dahil lumalaki na ang mga ito ay minsan daw ay nagtatanong sila bakit hindi nila kapiling ang kanilang ama.
Sa isang interview sa kanya ng GMA Network ay sinabi niya na ginagawa niya ang lahat para ipaintindi sa mga anak ang kanilang sitwasyon. Pagdating naman sa bagong pag-ibig ay bukas naman daw ang puso niya pero mas nakatuon ang kanyang pansin sa pag-aalaga ng kanyang dalawang anak.
No comments:
Post a Comment