Pinay Yaya sa Dubai, hindi parin iiwan ang amo kahit milyonarya na.

Bata pa lamang ang mga anak ng kanyang amo ay ang Overseas Filipino Worker na si Rosie Vargas na ang nag-aalaga sa mga ito. Walang taon na siyang nagtatrabaho bilang yaya at siya na rin ang nagpalaki sa mga anak ng kanyang amo. 

Aminado din si Rosie na mas higit pa ang pagmamahal na binibigay niya sa kanyang mga alaga kesa sa mga tunay na ina nila dahil nga busy ito sa kanilang trabaho. Maswerte din siya dahil nakatagpo siya ng mabait na amo na hindi siya tinuturing na kasambahay kundi pamilya na din. 

Sa katunayan ay special auntie ang turing sa kanya ng mga alaga at hindi isang helper. Malaki na din ang naging sakripisyo ni Rosie sa pagtatrabaho sa ibang bansa. 

Image via Global Pinoy Unlimited

Dati siyang nagtrabaho sa Hongkong, Singapore at India pero sa Dubai lamang siya nagtagal dahil na rin sa maganda ang naging pakikitungo niya sa kanyang amo. Isa rin itong naging daan para makaipon siya hanggang umabot na ng isang milyon ang kanyang pera.

"Ako kasi kapag nag-aalaga ng bata minamahal ko eh. Iba talaga kapag ikaw ang nakagisnan niya mula noong maliit. The way ng pagmamahal mo sa kaniya, mas sobra pa minsan 'yung pagmamahal ko kaysa sa nanay niya."

"Sinasabi nila, 'Pamilya tayo, wala tayong taguan. Kung ano 'yung problema mo problema namin. 'Pag may problem sa bahay pag-usapan natin. At saka huwag kang magtago.' Talagang understanding 'yung amo ko,'"dagdag pa ni Rosie. 

Image via Global Pinoy Unlimited

Kahit na malaki na ang kanyang naipon na pera ay hindi parin daw nito iiwan ang kanyang mga alaga at amo dahil napamahal na ito sa kanya. 

Meron anak si Rose sa Pilipinas pero naiintindihan naman daw nila ito kung gusto niyang ipagpatuloy ang kanyang trabaho sa Dubai. Ayon din kay Rosie ay mas importante ang kanyang mga alaga at amo kesa sa pera.

"Yung mga employer ko po sila lahat talagang sobra pa sa milyon yan e, yung siguro dalhin ko habang buhay itong mga employer ko sa mga bata dahil sa magandang pagsasamahan namin dito. Parang yung puso ko nandito eh, malakas pa naman ako. Hanggang malakas ako dito ako."